O‘zbekiston milliy terma jamoasi yarim himoyachisi Aziz Haydarov BAAning “Ajman” klubi a’zosiga aylandi.
2011 yildan buyon BAAning “Ash-SHabab” klubi sharafini himoya qilib kelgan tajribali futbolchi mamlakatning boshqa klubi – “Ajman” bilan 1 yillik shartnoma imzoladi.
“Ash-SHabab” joriy mavsumni 14 jamoa orasida 8-o‘rinni egalladi. “Ajman” klubi esa yakuniga yetgan mavsum natijasiga ko‘ra BAA Pro Ligasiga chiqdi.
Ma’lumot uchun, futbolchilik faoliyati davomida Aziz Haydarov Toshkentning “Lokomotiv” (2006–2007), “Bunyodkor” (2007–2011) va “Ash-SHabab” (2011–2017) klublarida to‘p surgan. 2007 yildan buyon milliy terma jamoa sharafini himoya qilayotgan yarim himoyachi 71 o‘yinda maydonga tushgan.
