Joriy mavsum yakuniga ko‘ra, «Manchester Yunayted» APLdagi ishtiroki uchun 100-150 mln funt ishlab topadi.
Spreadex tashkiloti izlanishlariga ko‘ra, klub 1992/93 mavsumdan buyon 870 mln funt mukofot olgan. Bu mavsumdan so‘ng uning miqdori 1 mlrd funtdan oshadi. Bu bilan «MYU» eng ko‘p mukofot olgan klublar reytingida peshqadam bo‘lib turibdi.
Ro‘yxatning keyingi o‘rinlarida «Arsenal» (842,8 mln), «Liverpul» (815,4), «Chelsi» (815,36), «Tottenhem» (750,28), «Manchester Siti» (723,49), «Everton» (700, 26), «Nyukasl» (649,35), «Aston Villa» (649,23) va «Vest Hem» (585,2) bormoqda.
APL tarixida hammasi bo‘lib 49 jamoa ligada o‘ynagan. Ularga jami 14,788 milliard funt mukofot to‘langan. 2015/16 mavsumda klublar jami 1,64 milliard funt ishlab olgan. Joriy mavsumda esa bu summa yanada oshadi.
