«Monako» hujumchisi Radamel Falkao va «Real» himoyachisi Fabiu Koentrau Ispaniyada soliqlarni to‘lashdan bo‘yin tovlaganlikda ayblanmoqda.
Madrid prokuraturasining sudga taqdim qilgan hujjatiga ko‘ra, har ikkala futbolchi Britaniya Virginiya orollari, Panama va Irlandiyadagi ofshor kompaniyalarning xizmatidan foydalangan va daromadlarni yashirgan. Ularga bu ishda agenti Jorje Mendesh yordam bergan.
Falkao 2012-2014 yillar davomida 5,6 million yevro, Koentrau esa shu muddatda 1,29 million yevro miqdoridagi soliqni to‘lamaganlikda ayblanmoqda.
