Bilbaoning «Atletik» klubi bosh murabbiyi Ernesto Valverde mavsum oxirida klubni tark etishini rasman e’lon qildi.
«Men ketaman. Bu qarorimni mavsum oxirida e’lon qilmoqdaman. Men jamoaning manfaati va unga bo‘lgan hurmatimdan kelib chiqqan holda bu haqda avval og‘iz ochmagandim» - dedi Valverde.
«Atletik» klubida o‘tkazilgan 4 mavsum davomida Valverde jamoani Chempionlar ligasi guruh bosqichiga olib chiqdi. Bundan tashqari, 2015 yilda Ispaniya Superkubogini qo‘lga kiritdi.
Eslatib o‘tamiz, Ernesto Valverde «Barselona»ni boshqarish uchun aosiy nomzodlardan biri bo‘lib turibdi. Kataloniya klubi bosh murabbiy nomini 29 maydan keyin e’lon qiladi.
