Бильбаонинг «Атлетик» клуби бош мураббийи Эрнесто Вальверде мавсум охирида клубни тарк этишини расман эълон қилди.
«Мен кетаман. Бу қароримни мавсум охирида эълон қилмоқдаман. Мен жамоанинг манфаати ва унга бўлган ҳурматимдан келиб чиққан ҳолда бу ҳақда аввал оғиз очмагандим» - деди Вальверде.
«Атлетик» клубида ўтказилган 4 мавсум давомида Вальверде жамоани Чемпионлар лигаси гуруҳ босқичига олиб чиқди. Бундан ташқари, 2015 йилда Испания Суперкубогини қўлга киритди.
Эслатиб ўтамиз, Эрнесто Вальверде «Барселона»ни бошқариш учун аосий номзодлардан бири бўлиб турибди. Каталония клуби бош мураббий номини 29 майдан кейин эълон қилади.
