"Arsenal" bosh murabbiyi Arsen Venger "Sanderlend" bilan uchrashuvdagi g‘alaba (2:0) haqida so‘zladi. Bu g‘alab londonliklarga top-4 dan joy olish imkoniyatini saqlab qolishiga imkon berdi.
"Darvozaga ko‘plab aniq zarbalar berdik, ammo xotirjamlikni saqlashimiz kerak edi. Bizning hafsalamiz o‘layozdi, ammo tanaffusgacha hisobda oldinga chiqib oldik.
O‘tgan mavsumda 71 ochko to‘plagan dik va ikkinchi o‘rinni egallagan edik, hozir bizda 72 ochko va biz buni 75 ga yetkazmoqchimiz. Biz ko‘p marta oxirgi turda kerakli o‘rindan joy ololganmiz.
"Bavariya" bilan o‘yinlardan so‘ng qiyin davr bo‘ldi, tiklanishimiz qiyin kechdi. Bir tomondan bu yaxshi ruhiy test bo‘ldi, bundan yaxshi o‘ta oldik", - deydi Venger.
