"Manchester Siti" bosh murabbiyi Xosep Gvardiola ANgliya chempionatida "Vest Bromvich" ustidan qozonilgan g‘alaba (3:1) haqida gapirdi.

"Biz jismoniy holati zo‘r bo‘lgan jamoani mag‘lub etdik. Ular bor-yo‘g‘i bir-ikki marta burchak to‘pi va xavfli jarima to‘pi tepa oldilar, xolos. Biz ko‘plab vaziyatlar yaratdik, bir gol o‘tkazib yubordik va hamma golimizni haqli ravishda urdik. O‘yinning borishini nazorat qildik.

Angliya chempionatida yaxshim mavsum o‘tkaza olmadik. Ha, oxirgi uch turni yaxshi o‘tkazdik, ammo chempionlik uchun kurasha olmadik, chunki ko‘p ochko yo‘qotdik. Kelasi mavsumda kuchliroq bo‘lishga va ko‘proq ochko yig‘ishga umid qilamiz", - deydi Gvardiola.

"Manchester Siti" 75 ochko bilan APLda uchinchi o‘rinda bormoqda. Chempionlar ligasida qatnashish uchun "shaharliklar" keyingi turda "Uotford"dan safarda bir ochko olsalar kifoya.