Oliy liganing 11-turi doirasida "Bunyodkor" va "Paxtakor" jamoalari o‘zaro to‘qnash kelishdi. Qiziqarli kechgan o‘yinda tomonlar durangga imzo chekishdi.

Xabaringiz bor, har ikkala jamoa rahbariyati va murabbiylar shtabida o‘zgarishlar bo‘lgandi. Bu ham uchrashuvga bo‘lgan qiziqishning oshishiga sabab bo‘ldi.

O‘yin taqdirini rekoshetlar hal qildi. Bahsning 11-daqiqasida chap qanotdan tashkil etilgan hujum natijasida Doston Hamdamov to‘pni egallab oldi va zarba berdi. To‘p Andreevga tegib, darvoza chizig‘ini kesib o‘tdi. Lobanov yon tomonga tashlanishga ulgurgandi.

Ikkinchi bo‘limda Jasur Abduraimov shogirdlari bosimni oshirishdi va hisobni tenglashtirishdi. Belgilangan jarima zarbasini Stanislav Andreev amalga oshirdi. To‘p jonli devordagi futbolchi orqali to‘rga borib tushdi.

O‘yin oxirida Qosimov shogirdlari oldinga tashlanishdi, ammo ularga gol urish nasib etmadi.

Oliy liga, 11-tur
19:00. «Bunyodkor» - «Paxtakor» 1:1
Gol: Doston Hamdamov (11) — Stanislav Andreev (71)
"Bunyodkor": Zuhurov (s), Komilov, Ashurmatov, Shukurov, Ahmadaliyev, Ibrohimov, Qosimov, Umirov, Shomurodov, Hamdamov, Nurmatov
Zaxira: Hamroyev, Mirabdullayev, Ikromov, To‘xtasinov, Azimov, G‘iyosov, Esonqulov
"Paxtakor": Lobanov, Andreev, Oraxovas, Tojiyev (s), Hoshimov, Ismatullayev, A.Ahmedov, Ibrohimov, Kozak, Karimov, Sergeev
Zaxira: Raimov, Alijonov, Nurullayev, Hakimov, Bulyat, Yusupov, Avilov
Hakamlar: H.Ro‘ziyev, O.Abduvosilov, S.SHoyusupov, A.Ergashev.
Nazoratchi: A.Abdullayev.