Олий лиганинг 11-тури доирасида "Бунёдкор" ва "Пахтакор" жамоалари ўзаро тўқнаш келишди. Қизиқарли кечган ўйинда томонлар дурангга имзо чекишди.

Хабарингиз бор, ҳар иккала жамоа раҳбарияти ва мураббийлар штабида ўзгаришлар бўлганди. Бу ҳам учрашувга бўлган қизиқишнинг ошишига сабаб бўлди.

Ўйин тақдирини рекошетлар ҳал қилди. Баҳснинг 11-дақиқасида чап қанотдан ташкил этилган ҳужум натижасида Достон Ҳамдамов тўпни эгаллаб олди ва зарба берди. Тўп Андреевга тегиб, дарвоза чизиғини кесиб ўтди. Лобанов ён томонга ташланишга улгурганди.

Иккинчи бўлимда Жасур Абдураимов шогирдлари босимни оширишди ва ҳисобни тенглаштиришди. Белгиланган жарима зарбасини Станислав Андреев амалга оширди. Тўп жонли девордаги футболчи орқали тўрга бориб тушди.

Ўйин охирида Қосимов шогирдлари олдинга ташланишди, аммо уларга гол уриш насиб этмади.

Олий лига, 11-тур
19:00. «Бунёдкор» - «Пахтакор» 1:1
Гол: Достон Ҳамдамов (11) — Станислав Андреев (71)
"Бунёдкор": Зуҳуров (с), Комилов, Ашурматов, Шукуров, Аҳмадалиев, Иброҳимов, Қосимов, Умиров, Шомуродов, Ҳамдамов, Нурматов
Захира: Ҳамроев, Мирабдуллаев, Икромов, Тўхтасинов, Азимов, Ғиёсов, Эсонқулов
"Пахтакор": Лобанов, Андреев, Ораховац, Тожиев (с), Ҳошимов, Исматуллаев, А.Аҳмедов, Иброҳимов, Козак, Каримов, Сергеев
Захира: Раимов, Алижонов, Нуруллаев, Ҳакимов, Булят, Юсупов, Авилов
Ҳакамлар: Ҳ.Рўзиев, О.Абдувосилов, С.Шоюсупов, А.Эргашев.
Назоратчи: А.Абдуллаев.