Oliy liganing 11-turidan o‘rin «Bunyodkor» - «Paxtakor» (1:1) o‘yinidan so‘ng, mehmonlar bosh murabbiyi Jasur Abduraimov o‘z fikrlarini bildirdi.
«Birinchi bo‘limda taktik va texnik tarafdan xatolarga yo‘l qo‘ydik, o‘yinimiz o‘xshamadi. Bunda xatoni o‘z zimmaga olaman. Yoshroq jamoalarga qarshi o‘yinlarda o‘z kuchimizga ortiqcha baho berib yuboryapmiz. Tanaffusgacha bunga barham bera olmadik.
Birinchi bo‘limda mezbonlar, ikkinchi bo‘limda biz ustunlik qildik. Asosiy tarkibda 13-14 nafar futbolchi xizmatidan foydalanyapmiz. Baribir yuklama ta’siri seziladi. Natija o‘yinga mos deb bilaman.
Yigitlar murakkab vaziyatdan chiqib ketishdi. Ularga buning uchun rahmat aytaman. Futbolchilar o‘yinni o‘zlariga olishi tarafdoriman. O‘zbek futboli texnik mahorat egalari bilan mashhur bo‘lgan.
Ikki haftada ko‘p o‘zgarishlar qilish qiyin. Biz o‘sishga urinyapmiz. Holatimizni yaxshilab borishga intilamiz» - dedi Abduraimov.
