"Real" yarimhimoyachisi Isko Ispaniya chempionatining qoldirilgan uchrashuvida "Selta" bilan uchrashuvdagi g‘alabadan so‘ng (4:1) jamoa bosh murabbiyi Zinedin Zidan haqida iliq fikrlarni bildirdi.
"Real"ning barcha o‘yinchilari Zidanning rotasiyasi sababli yaxshi formadalar. Buning natijasida ikkita musobaqada g‘olib chiqishga yaqin turibmiz. Biz yugurishimiz, hujum qilishimiz, himoya qilishimiz va bir-birimizga yordam berishimiz kerak.
"Malaga" bilan o‘yinga kelsak, chempionlik uchun bizga bir ochko kerak bo‘lsada, biz u yerga g‘alaba uchun boramiz", - deydi Isko.
Chempionat yakunlanishiga bir tur qolganida "Real" 90 ochko bilan jadvalni boshqarib turibdi. Ikkinchi o‘rindagi "Barselona"da 87 ochko bor.
