"Реал" яримҳимоячиси Иско Испания чемпионатининг қолдирилган учрашувида "Сельта" билан учрашувдаги ғалабадан сўнг (4:1) жамоа бош мураббийи Зинедин Зидан ҳақида илиқ фикрларни билдирди.
"Реал"нинг барча ўйинчилари Зиданнинг ротацияси сабабли яхши формадалар. Бунинг натижасида иккита мусобақада ғолиб чиқишга яқин турибмиз. Биз югуришимиз, ҳужум қилишимиз, ҳимоя қилишимиз ва бир-биримизга ёрдам беришимиз керак.
"Малага" билан ўйинга келсак, чемпионлик учун бизга бир очко керак бўлсада, биз у ерга ғалаба учун борамиз", - дейди Иско.
Чемпионат якунланишига бир тур қолганида "Реал" 90 очко билан жадвални бошқариб турибди. Иккинчи ўриндаги "Барселона"да 87 очко бор.
