Universal janglar bo‘yicha jahon chempioni Konor Makgregor tez orada boks bo‘yicha sobiq jahon chempioni Floyd Meyvezer bilan jang o‘tkazadi.
Bugun u jang shartnomasiga imzo chekkanini ma’lum qildi.
«Meyvezerga qarshi jang shartnomasiga imzo chekdim. Endi unga Floyd imzo qo‘yishi kerak. Bu men uchun sharaf. Zuffa, UFC va Paradigm Sports Management kompaniyalari hamkorligida rekord darajadagi shartnomani rasman tasdiqladim. Endi navbat Floydga» - dedi Makgregor.
Taxminlarga ko‘ra, Makgregor – Meyvezer jangining mukofot jamg‘armasi 100 mln dollar bo‘lishi kutilmoqda va bu dunyo rekordi hisoblanadi.
