"Shaxtyor" sardori Dario Srna Ukraina kubogi finalidagi "Dinamo" Kiyev ustidan qozonilgan g‘alaba (1:0)dan so‘ng o‘z fikrlarini bildirib o‘tdi.

- Sizlar Kuboklar soni bo‘yicha "Dinamo" bilan tenglashib oldinglar – 11tadan...

- Kuboklar soni muhim emas. Muhimi g‘alab. Buni uddalaganimizdan xursandman.

Jamoamiz ichidagi muhit ajoyib, mavsum davomida yaxshi o‘yinlar namoyish etdik.

Kubok o‘yini qiyin kechishini bilardik, ammo bu final bahsi ekanligini unutmaslik kerak. Jamoa, futbolchilar, muxlislar, rahbariyat barchani bu g‘alaba bilan tabriklayman.

Bilasiz, o‘z uyimizsiz, stadionsiz, shaxsiy muxlislarimizsiz va bazasiz ketma-ket uchinchi yil o‘ynamoqdamiz endi esa chempionlik va mamlakat kubogini qo‘lga kiritdik – bu ulkan natija.

Buyog‘iga nima bo‘ladi? Barchangiz Prezidentimizni yaxshi taniysiz. Keyingi mavsum ham chempionatdagi muvaffaqiyatimizni takrorlab, kubokni qo‘lga kiritmoqchimiz hamda Chempionlar ligasida ham muvaffaqiyatli ishtirok etishni hozirdan rejalashtirganmiz.

Jamoamizda iqtidorli yoshlar ko‘paymoqda. Tajribali futbolchilar ham yetarli, muxit esa ajoyib.

Maqsadlarimiz ulkan, "Shaxtyor" oldinga qadam tashlashga tayyor - deydi xorvatiyalik futbolchi.