«Real» hujumchisi Krishtianu Ronaldu Primeraning 21-turidan o‘rin olgan «Selta» (4:1) klubiga qarshi o‘yinda raqib futbolchisi Kabral bilan tortishib qolgan.
Xususan, Ronaldu unga qarata: «Bir qop pul! Juda katta pul olgansan» - degan so‘zlarni aytgan.
Ronaldu bu gaplari bilan «Barselona» tomonidan «Selta»ga katta mukofot taklif qilinganini ko‘zda tutgan bo‘lishi mumkin.
Ispaniyada raqobatchilar tomonidan uchinchi tarafni pul mukofoti bilan rag‘batlantirib, kerakli natijaga erishishga urinish holatlari uchrab turadi. Bu qonunda man qilinmagan bo‘lsa-da, omma tomonidan qoralanadi.
