«Реал» ҳужумчиси Криштиану Роналду Примеранинг 21-туридан ўрин олган «Сельта» (4:1) клубига қарши ўйинда рақиб футболчиси Кабрал билан тортишиб қолган.

Хусусан, Роналду унга қарата: «Бир қоп пул! Жуда катта пул олгансан» - деган сўзларни айтган.

Роналду бу гаплари билан «Барселона» томонидан «Сельта»га катта мукофот таклиф қилинганини кўзда тутган бўлиши мумкин.

Испанияда рақобатчилар томонидан учинчи тарафни пул мукофоти билан рағбатлантириб, керакли натижага эришишга уриниш ҳолатлари учраб туради. Бу қонунда ман қилинмаган бўлса-да, омма томонидан қораланади.