Oliy liganing 11-turidan o‘rin olgan «Obod» - «Dinamo» (3:1) uchrashuvidan keyin mehmonlar bosh murabbiyi Oleg Tyulkin matbuot anjumanida o‘z fikrlarini aytdi.

"Mavsumdagi eng yomon o‘yinimiz bo‘ldi. Bugun o‘z jamoamni tanimay qoldim. O‘yinimiz umuman chiqmadi. «Obod» jamoasini haqli g‘alaba bilan tabriklayman. Bugungi mag‘lubiyatni to‘liq tahlil qilib, xatolar ustida ishlaymiz.

Tarkibda muammolarimiz yetarlicha. Radu Rogak jarohat olgan, so‘nggi o‘yinlarda biror marta ham optimal tarkibni yig‘a olmayapmiz. Yoki jarohat, yoki diskvalifikasiya sababli bizda ham variantlar kam bo‘lmoqda.

Xato va kamchiliklar hammada ham bo‘ladi. Eng asosiysi bundan xulosa chiqara olishda. Ertagayoq keyingi o‘yinlarga yanada jiddiyroq tayyorgarlik ko‘rishni boshlaymiz" - dedi Tyulkin.