Олий лиганинг 11-туридан ўрин олган «Обод» - «Динамо» (3:1) учрашувидан кейин меҳмонлар бош мураббийи Олег Тюлькин матбуот анжуманида ўз фикрларини айтди.

"Мавсумдаги энг ёмон ўйинимиз бўлди. Бугун ўз жамоамни танимай қолдим. Ўйинимиз умуман чиқмади. «Обод» жамоасини ҳақли ғалаба билан табриклайман. Бугунги мағлубиятни тўлиқ таҳлил қилиб, хатолар устида ишлаймиз.

Таркибда муаммоларимиз етарлича. Раду Рогак жароҳат олган, сўнгги ўйинларда бирор марта ҳам оптимал таркибни йиға олмаяпмиз. Ёки жароҳат, ёки дисквалификация сабабли бизда ҳам вариантлар кам бўлмоқда.

Хато ва камчиликлар ҳаммада ҳам бўлади. Энг асосийси бундан хулоса чиқара олишда. Эртагаёқ кейинги ўйинларга янада жиддийроқ тайёргарлик кўришни бошлаймиз" - деди Тюлькин.