Arsen Venger «Arsenal» bilan yangi ikki yillik shartnoma imzolaydi.

The Telegraph xabariga ko‘ra, «Chelsi» klubiga qarshi 27 may kuni o‘tkaziladigan Angliya kubogi finalidan so‘ng, shartnoma bandlari direktorlar kengashida muhokama qilinadi. Bundan tashqari, klubda yangi lavozim - sport direktori joriy qilinadi. U transferlar va kelgusi rejalar bilan shug‘ullanadi.

Ayni paytda «Arsenal» musobaqa jadvalida 5-o‘rinda bormoqda va 4-o‘rinni egallab turgan «Liverpul» klubidan 1 ochko ortda qolmoqda. So‘nggi turda jamoa o‘z maydonida «Everton»ni qabul qiladi.