«Malaga» klubi bosh murabbiyi Michel Gonsales so‘nggi turda futbolchilarining «Real»ga qarshi qanday o‘ynashi haqida xabar berdi.

Eslatib o‘tamiz, chempion bo‘lish uchun «Real»ga bu o‘yinda 1 ochko kifoya qiladi. Michel esa «Real»ning sobiq futbolchisi hisoblanadi.

«Biz har doimgidek faol shug‘ullandik. Hech kim «Malaga»ni o‘yinni boy berishiga shama qilmadi. Shunchaki, bu so‘zlar matbuot tomonidan kontekstdan ajratib olingan xolos.

So‘nggi o‘yinlarda biz yaxshi natijalarni ko‘rsatmoqdamiz. «Real»ga yuqori saviyadagi jamoa ro‘baro‘ keladi» - dedi murabbiy.