Chempionlar ligasining 2017/18 mavsumi qur’asida 1-savatchadan joy olgan jamoalar nomi ma’lum bo‘ldi.
1-savatcha tarkibi quyidagicha tarzda shakllandi:
«Real» (Ispaniya chempioni), «Bavariya» (Germaniya chempioni), «Yuventus» (Italiya chempioni), «Benfika» (Portugaliya chempioni), «Chelsi» (Angliya chempioni), «Shaxtyor» (Ukraina chempioni), «Monako» (Fransiya chempioni) va «Spartak» (Rossiya chempioni).
Ikkinchi savatcha tarkibi qisman ma’lum - «Barselona», «PSJ», «Atletiko», «Borussiya» D, «Manchester Siti» va «Portu». Agar «MYU» Yevropa ligasida g‘olib chiqsa, u ham 2-savatchadan joy oladi. Bu qoida saralash bosqichida ishtirok etadigan «Sevilya»ga ham taalluqli.
Eslatib o‘tamiz, bir savatchadan joy egallagan jamoalar qur’ada bir guruhga tushmaydi. Shuningdek, guruhda har bir mamlakatdan bir jamoa ishtirok etadi.
