Чемпионлар лигасининг 2017/18 мавсуми қуръасида 1-саватчадан жой олган жамоалар номи маълум бўлди.

1-саватча таркиби қуйидагича тарзда шаклланди:

«Реал» (Испания чемпиони), «Бавария» (Германия чемпиони), «Ювентус» (Италия чемпиони), «Бенфика» (Португалия чемпиони), «Челси» (Англия чемпиони), «Шахтёр» (Украина чемпиони), «Монако» (Франция чемпиони) ва «Спартак» (Россия чемпиони).

Иккинчи саватча таркиби қисман маълум - «Барселона», «ПСЖ», «Атлетико», «Боруссия» Д, «Манчестер Сити» ва «Порту». Агар «МЮ» Европа лигасида ғолиб чиқса, у ҳам 2-саватчадан жой олади. Бу қоида саралаш босқичида иштирок этадиган «Севилья»га ҳам тааллуқли.

Эслатиб ўтамиз, бир саватчадан жой эгаллаган жамоалар қуръада бир гуруҳга тушмайди. Шунингдек, гуруҳда ҳар бир мамлакатдан бир жамоа иштирок этади.