Yevropa ligasini qo‘lga kiritgan «Manchester Yunayted» kelasi mavsumda Yevropa chempionlar ligasi guruh bosqichida ishtirok etish huquqini qo‘lga kiritdi. Mankunianliklar YECHLni to‘g‘ridan-to‘g‘ri guruh bosqichidan boshlashadi.

Guruh bosqichiga qur’a tashlash paytida birinchi savatchadan reytingi yuqori mamlakatlar chempionlari o‘rin oladi. Qolgan savatchalar esa klublarning so‘nggi 5 yilda yevrokuboklardagi ishtiroki bo‘yicha tuzilgan reyting asosida shakllantiriladi. «Manchester Yunayted» ikkinchi savatchadan qur’a tortilishi kutilmoqda.

YECHL guruh bosqichi uchun qur’a tashlash uchun savatchalar tarkibi:

1-savatcha (tasdiqlangan): «Real», «Bavariya», «Yuventus», «Benfika», «Chelsi», «Shaxter», «Monako», «Spartak».

2-savatcha (taxmin): «Barselona», «Atletiko», «PSJ», «Borussiya» Dortmund, «Sevilya»*, «Manchester Siti», «Portu», «Manchester Yunayted».

3-savatcha (taxmin): «Napoli»*, «Tottenxem», «Bazel», «Dinamo» Kiyev*, «Ayaks»*, «Olimpiakos»*, «Anderlext», «Liverpul»*.

4-savatcha (taxmin): «RB Leypsig», «Feyenoord», «Roma»*, «Seltik»*, «Nissa»* va saralashdan o‘tadigan klublar.

Izoh: * yulduzcha bilan belgilangan klublar hali guruh bosqichida ishtirok etishni kafolatlashmagan. Bu jamoalar saralashdan o‘ta olishmasa, reytingi pastroq klublar yuqori savatchaga ko‘tarilishadi.