Европа лигасини қўлга киритган «Манчестер Юнайтед» келаси мавсумда Европа чемпионлар лигаси гуруҳ босқичида иштирок этиш ҳуқуқини қўлга киритди. Манкунианликлар ЕЧЛни тўғридан-тўғри гуруҳ босқичидан бошлашади.

Гуруҳ босқичига қуръа ташлаш пайтида биринчи саватчадан рейтинги юқори мамлакатлар чемпионлари ўрин олади. Қолган саватчалар эса клубларнинг сўнгги 5 йилда еврокубоклардаги иштироки бўйича тузилган рейтинг асосида шакллантирилади. «Манчестер Юнайтед» иккинчи саватчадан қуръа тортилиши кутилмоқда.

ЕЧЛ гуруҳ босқичи учун қуръа ташлаш учун саватчалар таркиби:

1-саватча (тасдиқланган): «Реал», «Бавария», «Ювентус», «Бенфика», «Челси», «Шахтер», «Монако», «Спартак».

2-саватча (тахмин): «Барселона», «Атлетико», «ПСЖ», «Боруссия» Дортмунд, «Севилья»*, «Манчестер Сити», «Порту», «Манчестер Юнайтед».

3-саватча (тахмин): «Наполи»*, «Тоттенхэм», «Базель», «Динамо» Киев*, «Аякс»*, «Олимпиакос»*, «Андерлехт», «Ливерпуль»*.

4-саватча (тахмин): «РБ Лейпциг», «Фейеноорд», «Рома»*, «Селтик»*, «Ницца»* ва саралашдан ўтадиган клублар.

Изоҳ: * юлдузча билан белгиланган клублар ҳали гуруҳ босқичида иштирок этишни кафолатлашмаган. Бу жамоалар саралашдан ўта олишмаса, рейтинги пастроқ клублар юқори саватчага кўтарилишади.