"Manchester Yunayted" klubi "Atletiko" hujumchisi Antuan Grizmannni sotib olish uchun jiddiy harakat qilmoqda.
The Independent xabariga ko‘ra, "MYU"dagilar fransuz futbolchisini sotib olishlariga ishonmoqdalar. Manchesterliklar futbolchi bilan qishdayoq moliyaviy tomondan ancha qulay kelishuvga erishganlar.
"Man Yunayted" bundan tashqari "Torino" hujumchisi Andrea Belottiga ham ko‘z tikkan. Italiyalik hujumchi uchun to‘lanadigan tovon puli ham xuddi Grizmanniki kabi 100 mln yevro qilib belgilangan. Ayni vaqtda muzokaralar davom etmoqda, ammo Belottining o‘tishi shubha ostida.
"MYU"ning uchinchi nishoni - "Bernli" himoyachisi Maykl Kin bo‘lib turibdi. U "Manchester Yunayted" tarbiyalanuvchisi hisoblanadi va "Bernli" safiga aynan menchesterliklar safidan o‘tgan.
