"Манчестер Юнайтед" клуби "Атлетико" ҳужумчиси Антуан Гризманнни сотиб олиш учун жиддий ҳаракат қилмоқда.
The Independent хабарига кўра, "МЮ"дагилар француз футболчисини сотиб олишларига ишонмоқдалар. Манчестерликлар футболчи билан қишдаёқ молиявий томондан анча қулай келишувга эришганлар.
"Ман Юнайтед" бундан ташқари "Торино" ҳужумчиси Андреа Белоттига ҳам кўз тиккан. Италиялик ҳужумчи учун тўланадиган товон пули ҳам худди Гризманники каби 100 млн евро қилиб белгиланган. Айни вақтда музокаралар давом этмоқда, аммо Белоттининг ўтиши шубҳа остида.
"МЮ"нинг учинчи нишони - "Бернли" ҳимоячиси Майкл Кин бўлиб турибди. У "Манчестер Юнайтед" тарбияланувчиси ҳисобланади ва "Бернли" сафига айнан менчестерликлар сафидан ўтган.
