Toshkent “Universal” sport saroyida ilk marotaba paralimpiya dzyudosi bo‘yicha 2020 yil Tokioda bo‘lib o‘tadigan yozgi Paralimpiya o‘yinlariga reyting ochkolarini beradigan Osiyo va Okeaniya chempionati boshlandi.

Musobaqada Osiyoning eng kuchli Eron, Janubiy Koreya, Hindiston, Iroq, Tojikiston, Xitoy Taypey, Tayland, Qozog‘iston va jahonning eng kuchli jamoasi hisoblanadigan O‘zbekiston jamoalari ishtirok etmoqda.

Ochilish marosimida O‘zbekiston Milliy Paralimpiya Assosiasiyasi raisi o‘rinbosari Tashxodjayev Muxtorxon so‘zga chiqib barcha ishtirokchilarni bugungi musobaqa bilan tabrikladi va chempionatni ochiq deb e’lon qildi.

26 may holatiga ko‘ra ayollar vaznlarida:

-48 kg 1-o‘rinni Komilova Yoqutxon (O‘zbekiston), 2-o‘rinni Lee Kay Lin (Xitoy Taypey), 3 o‘rinni Xurramova Lobar (O‘zbekiston) egalladilar.

-52 kg 1-o‘rinni Sallayeva Sevinch (O‘zbekiston), 2-o‘rinni Vongchongpxu Metxini (Tayland) egalladi.

- 57 kg 1-o‘rinni Sheripboyeva Nafisa (O‘zbekiston), 2 o‘rinni Kxvayngmuyang Aitsarapxon (Tayland) egalladi.

Erkaklar vaznlarida:

-60 kg 1-o‘rin Rio-2016 Paralimpiya o‘yinlari chempioni Namozov Sherzod (O‘zbekiston), 2-o‘rin Li Min Jay (Janubiy Koreya), 3-o‘rin Banitaba Xoram Abadi Seyed Meysam (Eron), 3-o‘rin Jang Seongjin (Janubiy Koreya) egalladi.

-66kg 1-o‘rin Raxmati Sayid (Eron), 2-o‘rin Turumbetov Azamat (Qozog‘iston), 3-o‘rin Singx Jaydipkumar Xridaya (Xindiston), 3-o‘rin Tuymuradov Adizjon (O‘zbekiston) egalladi.

-73 kg 1-o‘rin Sayidov Feruz (O‘zbekiston), 2-o‘rin Karamatov Davruxon (O‘zbekiston), 3-o‘rin Daulet Temirjan (Qozog‘iston), 3-o‘rin Yang Syungjun (Janubiy Koreya) egalladi.

27 may kuni ayollar -63kg, -70kg: erkaklar -81kg, -90kg, -100kg, +100kg vaznlarda bahslar bo‘lib o‘tadi.