«Uembli»da o‘tkazilgan Angliya kubogining finalida «Arsenal» va «Chelsi» ishtirokidagi yorqin o‘yinning guvohi bo‘ldik.

O‘yin «Arsenal»ning hujumlari bilan boshlandi. 4-daqiqada Aleksis Sanches jamoadoshi tomonidan oshirilgan to‘pni egallab olib, jarima maydoniga yorib kirdi va Kurtua darvozasini ishg‘ol etib, hisobni ochdi. Takroriy lavhada futbolchi to‘pni qo‘li bilan o‘ynagani ko‘rinib qoldi, ammo bosh hakam buni payqamay qolgandi.

68-daqiqada «Chelsi» yarimhimoyachisi Mozes jarima maydoni ichida yiqilib, mug‘ombirlik qilgani uchun ikkinchi sariq va qizil kartochka bilan jazolanib, maydondan chetlatildi.

77-daqiqada Diyego Kosta raqib jarima maydoni ichida to‘pni qabul qilib oldi va yaqin masofadan gol urib, hisobni tenglashtirdi.
Biroq shu zahotiyoq, Jiruning chap qanotdan jarima maydoniga oshirgan to‘pini Aron Remzi boshi bilan darvozaga yo‘lladi va jamoasini yana hisobda oldinga olib chiqdi.

Angliya kubogi finali
Arsenal – Chelsi 2:1 (1:0)
Gollar: 1:0 – 4 Sanches, 1:1 – 76 Diyego Kosta, 2:1 – 79 Remzi.
Arsenal – Ospina, Mertesaker, Monreal, Belyerin, Xolding, Djaka, Oksleyd-CHemberlen (Koklen, 82), O‘zil, Remzi, Sanches, Uelbek (Jiru, 78).
Chelsi – Kurtua, David Luiz, Keyxill, Alonso, Aspilikueta, Matich (Fabregas, 61), Mozes, Pedro (Villian, 72), Kante, Azar, Diyego Kosta (Batshuayi, 88).
Ogohlantirishlar: Remzi (9), Xolding (53), Mozes (57), Kante (59), Djaka (81), Koklen (83).
Chetlatish: Mozes (68).