«Уэмбли»да ўтказилган Англия кубогининг финалида «Арсенал» ва «Челси» иштирокидаги ёрқин ўйиннинг гувоҳи бўлдик.

Ўйин «Арсенал»нинг ҳужумлари билан бошланди. 4-дақиқада Алексис Санчес жамоадоши томонидан оширилган тўпни эгаллаб олиб, жарима майдонига ёриб кирди ва Куртуа дарвозасини ишғол этиб, ҳисобни очди. Такрорий лавҳада футболчи тўпни қўли билан ўйнагани кўриниб қолди, аммо бош ҳакам буни пайқамай қолганди.

68-дақиқада «Челси» яримҳимоячиси Мозес жарима майдони ичида йиқилиб, муғомбирлик қилгани учун иккинчи сариқ ва қизил карточка билан жазоланиб, майдондан четлатилди.

77-дақиқада Диего Коста рақиб жарима майдони ичида тўпни қабул қилиб олди ва яқин масофадан гол уриб, ҳисобни тенглаштирди.
Бироқ шу заҳотиёқ, Жирунинг чап қанотдан жарима майдонига оширган тўпини Арон Рэмзи боши билан дарвозага йўллади ва жамоасини яна ҳисобда олдинга олиб чиқди.

Англия кубоги финали
Арсенал – Челси 2:1 (1:0)
Голлар: 1:0 – 4 Санчес, 1:1 – 76 Диего Коста, 2:1 – 79 Рэмзи.
Арсенал – Оспина, Мертесакер, Монреаль, Бельерин, Холдинг, Джака, Окслейд-Чемберлен (Коклен, 82), Ўзил, Рэмзи, Санчес, Уэлбек (Жиру, 78).
Челси – Куртуа, Давид Луиз, Кэйхилл, Алонсо, Аспиликуэта, Матич (Фабрегас, 61), Мозес, Педро (Виллиан, 72), Канте, Азар, Диего Коста (Батшуайи, 88).
Огоҳлантиришлар: Рэмзи (9), Холдинг (53), Мозес (57), Канте (59), Джака (81), Коклен (83).
Четлатиш: Мозес (68).