«Milan» bosh murabbiyi Vinchenso Montella A seriyaning so‘nggi turidan o‘rin olgan «Kalyari»ga (1:2) qarshi o‘yindan so‘ng, o‘z fikrlarini aytdi.
«Futbolchilarimning ishtiyoqi menga yoqmadi. Birinchi bo‘limda e’tiborsiz harakat qildik, o‘yinga kirishib ketolmadik.
Ikkinchi bo‘limda katta ishtiyoq bilan to‘p surdik. Ammo mag‘lubiyat bizni ranjitdi. Biz hech qachon taslim bo‘lmaymiz. Biz dastlabki daqiqalardanoq yaxshi harakat qilishimiz lozim, faqat muammo paydo bo‘lganda emas.
O‘z oldimizga qo‘ygan maqsadimiz bor. Ularga yetishish uchun harakat qilyapmiz. Mavsum biz uchun ijobiy bo‘ldi, bundan xursandmiz» - dedi Montella klub sayti xabarida.
