Fransiya terma jamoasining sobiq futbolchisi Kristof Dyugarri "Roma"ning sobiq hujumchisi Franchesko Tottini afsonalar qatoriga qo‘shmayapti.
"Tottini afsonalar bilan bir safga qo‘ya olmayman. Agar u haqiqatan ham kuchli o‘yinchi bo‘lganida, "Roma" bor-yo‘g‘i bitta sovrin yutmagan bo‘lar edi. Afsonalar undan ko‘ra ko‘proq sovringa ega bo‘ladilar.
Albatta, biz "Roma" tarixidagi katta o‘yinchi haqida gapiryapmiz. Ammo shuncha ko‘p gol urganiga qaramay, uni eng yaxshilar qatoriga qo‘ya olmayman.
U jahon chempioni bo‘lgan to‘g‘ri, ammo u qahramon bo‘lmagan hamda ko‘p o‘ynamagan edi. Balki u "Roma"dan ketishni istamagandir, balki qiziqroq taklif bo‘lmagandir", - deydi Dyugari.
