Франция терма жамоасининг собиқ футболчиси Кристоф Дюгарри "Рома"нинг собиқ ҳужумчиси Франческо Тоттини афсоналар қаторига қўшмаяпти.
"Тоттини афсоналар билан бир сафга қўя олмайман. Агар у ҳақиқатан ҳам кучли ўйинчи бўлганида, "Рома" бор-йўғи битта соврин ютмаган бўлар эди. Афсоналар ундан кўра кўпроқ совринга эга бўладилар.
Албатта, биз "Рома" тарихидаги катта ўйинчи ҳақида гапиряпмиз. Аммо шунча кўп гол урганига қарамай, уни энг яхшилар қаторига қўя олмайман.
У жаҳон чемпиони бўлган тўғри, аммо у қаҳрамон бўлмаган ҳамда кўп ўйнамаган эди. Балки у "Рома"дан кетишни истамагандир, балки қизиқроқ таклиф бўлмагандир", - дейди Дюгари.
