«Barselona» klubi bosh murabbiy Ernesto Valverdeni tanishtiruv marosimini o‘tkazdi.
Mutaxassis yangi lavozimida ishga kirishishdan oldin, o‘z fikrlarini aytdi.
«Bu yerda ishlash men uchun sharafdir. «Barselona» meni taklif qilganidan juda xursandman.
Faoliyatimdagi yangi bosqichni intizorlik bilan kutmoqdaman. Bu men uchun katta sinov bo‘ladi va «Barselona»ni yanada buyukroq qilmoqchiman.
Ancha vaqt ilgari bu klub safida o‘ynagan edim. Endi ulg‘aydim, zamon ham o‘zgardi. Hozir bu klub safiga kelib qo‘shilganimni qanchalik muhim qadam ekanini anglab turibman. U paytlari yosh edim, juda ko‘p jamoalarda o‘ynadim. Endi yana «Barselona»daman» - dedi Valverde.
