«Барселона» клуби бош мураббий Эрнесто Вальвердени таништирув маросимини ўтказди.

Мутахассис янги лавозимида ишга киришишдан олдин, ўз фикрларини айтди.

«Бу ерда ишлаш мен учун шарафдир. «Барселона» мени таклиф қилганидан жуда хурсандман.

Фаолиятимдаги янги босқични интизорлик билан кутмоқдаман. Бу мен учун катта синов бўлади ва «Барселона»ни янада буюкроқ қилмоқчиман.

Анча вақт илгари бу клуб сафида ўйнаган эдим. Энди улғайдим, замон ҳам ўзгарди. Ҳозир бу клуб сафига келиб қўшилганимни қанчалик муҳим қадам эканини англаб турибман. У пайтлари ёш эдим, жуда кўп жамоаларда ўйнадим. Энди яна «Барселона»даман» - деди Вальверде.