FIFA terma jamoalarning yangilangan reytingini e’lon qildi.

Unga ko‘ra, O‘zbekiston milliy terma jamoasi 582 ochko bilan 62-o‘rindan joy oldi.

Terma jamoa avvalgi ko‘rsatkichga nisbatan 2 pog‘ona yo‘qotdi. Osiyo futbol konfederasiyasi (OFK)ga a’zo mamlakatlar orasida O‘zbekiston  termasi hamon 6-o‘rinda bormoqda. Eron terma jamoasi ham 2 pog‘ona yo‘qotgan bo‘lishiga qaramay, Osiyoda peshqadamlikni saqlab qoldi. Kuchli uchlikda o‘zgarish yuz bermagan.

1 (30). Eron – 829 ochko;

2 (43). Janubiy Koreya – 703 ochko;

3 (45). Yaponiya – 689 ochko;

4 (48). Avstraliya – 681 ochko;

5 (53). Saudiya Arabistoni – 636 ochko;

6 (62). O‘zbekiston – 582 ochko;

7 (75). BAA– 450 ochko.

8 (77). Suriya – 436 ochko;

9 (82). Xitoy – 425;

10 (88). Qatar –374 ochko.

FIFA reytingida Braziliya 1715 ochko bilan peshqadamlikni mustahkamlab oldi. Ikkinchi o‘rinni Argentina (1626 ochko) egallab turgan bo‘lsa, uchinchi o‘rindan Germaniya (1511 ochko) joy olgan. Jadvalda 4–10-o‘rinlarni tegishli ravishda Chili, Kolumbiya, Fransiya, Belgiya, Portugaliya, Shveysariya, Ispaniya va Polsha (ikkalasi 10-o‘rin) terma jamoalari egallagan.