«Real» hujumchisi Krishtianu Ronaldu zamonaviy futboldagi asosiy raqobatchisi Leo Messi haqida o‘z fikrlarini bayon qildi.
«Messining do‘sti emasman, biroq biz hamkasbmiz. So‘nggi 10 yil ichida u bilan juda ko‘p shaxsiy sovrinlarni topshirish marosimlarida ishtirok etdik, u bilan munosabatlarimiz ham yaxshi.
Biz birgalikda ovqatlanmaymiz, ammo uni hurmat qilaman. U menga raqib emas, balki hamkasbdir. Matbuot oramizdagi raqobatni bo‘rttirib ko‘rsatmoqchi bo‘ladi va bu bilan daromad topadi.
Messining va boshqa zo‘r futbolchilarning o‘yinidan zavq olaman. Leo – haqiqiy yulduzdir. U menga yomonlik qilmagan, unga nisbatan xusumatim yo‘q. Messidan men haqimda so‘ralganda ham, har doim iliq so‘zlarni aytgan. Biz bir-birimizni hurmat qilamiz» - dedi Ronaldu Fox Sports xabarida.
