«Реал» ҳужумчиси Криштиану Роналду замонавий футболдаги асосий рақобатчиси Лео Месси ҳақида ўз фикрларини баён қилди.
«Мессининг дўсти эмасман, бироқ биз ҳамкасбмиз. Сўнгги 10 йил ичида у билан жуда кўп шахсий совринларни топшириш маросимларида иштирок этдик, у билан муносабатларимиз ҳам яхши.
Биз биргаликда овқатланмаймиз, аммо уни ҳурмат қиламан. У менга рақиб эмас, балки ҳамкасбдир. Матбуот орамиздаги рақобатни бўрттириб кўрсатмоқчи бўлади ва бу билан даромад топади.
Мессининг ва бошқа зўр футболчиларнинг ўйинидан завқ оламан. Лео – ҳақиқий юлдуздир. У менга ёмонлик қилмаган, унга нисбатан хусуматим йўқ. Мессидан мен ҳақимда сўралганда ҳам, ҳар доим илиқ сўзларни айтган. Биз бир-биримизни ҳурмат қиламиз» - деди Роналду Fox Sports хабарида.
