Germaniya terma jamoasining bosh murabbiyi Yoaxim Lev xalqaro musobaqalar ishtirokchilari sonining oshirilishi haqida o‘z fikrini aytdi.
«Bu xavfli o‘yin. Biz bunga juda ham berilmasligimiz kerak. Hozir taqvim juda tig‘iz.
Mavsum yakunlangach, futbolchilar ta’tilga chiqib ketadi. Aslida ular dam olmaydi, balki o‘zining jismoniy holatini ushlab turishga harakat qiladi, chunki ikki haftadan so‘ng mashg‘ulotlarga qaytishi kerak. Bunaqa yuklama yaxshilikka olib kelmaydi.
Musobaqalar soni oshib bormoqda. JCH va Yevro ishtirokchilari soni oshirildi. Endi klublar o‘rtasidagi jahon chempionati haqida gapirilmoqda.
Agar sizda yaxshi mahsulot bo‘lsa, uni yanada xaridorgir qilishni istasangiz, sonini oshirish shartmas» - dedi Lyov.
