Германия терма жамоасининг бош мураббийи Йоахим Лев халқаро мусобақалар иштирокчилари сонининг оширилиши ҳақида ўз фикрини айтди.
«Бу хавфли ўйин. Биз бунга жуда ҳам берилмаслигимиз керак. Ҳозир тақвим жуда тиғиз.
Мавсум якунлангач, футболчилар таътилга чиқиб кетади. Аслида улар дам олмайди, балки ўзининг жисмоний ҳолатини ушлаб туришга ҳаракат қилади, чунки икки ҳафтадан сўнг машғулотларга қайтиши керак. Бунақа юклама яхшиликка олиб келмайди.
Мусобақалар сони ошиб бормоқда. ЖЧ ва Евро иштирокчилари сони оширилди. Энди клублар ўртасидаги жаҳон чемпионати ҳақида гапирилмоқда.
Агар сизда яхши маҳсулот бўлса, уни янада харидоргир қилишни истасангиз, сонини ошириш шартмас» - деди Лёв.
