«Barselona» hujumchisi Lionel Messi o‘z faoliyatidagi eng sevimli gollardan birini aytib o‘tdi. U 2009 yilda Chevmpionlar ligasi finali doirasida «Manchester Yunayted» (2:0) darvozasiga urgan golini eng yaxshi gollardan biri sifatida ta’kidladi.

«Yonimda Rio Ferdinand turganida bosh bilan gol urishimni tasavvur qilish qiyin edi. Meni hech kim jiddiy qo‘riqlamayotgan edi. To‘p men turgan joyga keldi va bosh bilan zarba berdim. Xavi uzatma berib, to‘p men tomon kelayotgan soniyalarda bosh bilan qanday zarba berish haqida o‘yladim. Xudoga shukr, barchasi o‘ylaganimdek bo‘lib chiqdi. Bu har tomonlama muhim gol edi. Final qanday bo‘lganini inobatga olsak, jamoa uchun ham, shuningdek, o‘zim uchun har tomonlama muhim ahamiyatga ega bo‘ldi. Bu o‘shandan beri mening eng sevimli gollarimdan biri. 2006 yildagi finalni jarohat tufayli o‘tkazib yuborganimdan keyin 2009 yildagichida o‘ynashim, boz ustiga, gol urishim muhim ahamiyatga ega bo‘ldi. Bu mavsumning eng so‘nggi o‘yini edi. O‘sha yili biz barcha sovrinlarni qo‘lga kiritgandik», — deya Messining so‘zlaridan iqtibos keltirdi Fox Sports Asia.