Bugun — 3 iyun kuni Yevropa Chempionlar ligasining final o‘yinida Madridning «Real» va Turinning «Yuventus» klublari saf tortadi. Bellashuvga Uelsning Kardiff shahri mezbonlik qiladi.
Mavsum davomida Chempionlar ligasi uchrashuvlarini translyasiya qilib kelgan UzReport telekanali final bellashuvini ham to‘g‘ridan-to‘g‘ri namoyish qiladi. Ayni vaqtda telekanal delegasiyasi Kardiff shahrida bo‘lib turibdi.
O‘yin Toshkent vaqti bilan 23:45 da start oladi. Translyasiya esa 23:00 dan, ya’ni, 45 daqiqa oldin boshlanadi. Bunda futbolchilarning stadionga kelishidan tortib, stadion va uning atrofidagi muhitga qadar aks etadi.
