Бугун — 3 июнь куни Европа Чемпионлар лигасининг финал ўйинида Мадриднинг «Реал» ва Туриннинг «Ювентус» клублари саф тортади. Беллашувга Уэльснинг Кардифф шаҳри мезбонлик қилади.

Мавсум давомида Чемпионлар лигаси учрашувларини трансляция қилиб келган UzReport телеканали финал беллашувини ҳам тўғридан-тўғри намойиш қилади. Айни вақтда телеканал делегацияси Кардифф шаҳрида бўлиб турибди.

Ўйин Тошкент вақти билан 23:45 да старт олади. Трансляция эса 23:00 дан, яъни, 45 дақиқа олдин бошланади. Бунда футболчиларнинг стадионга келишидан тортиб, стадион ва унинг атрофидаги муҳитга қадар акс этади.