Osiyo boks konfederasiyasi tomonidan Hasanboy Do‘stmatov may oyining eng yaxshi bokschisi deb e’lon qilindi. Bu haqda konfederasiya saytida xabar berildi.
Ma’lumki, o‘tgan oyda Toshkentda bo‘lib o‘tgan boks bo‘yicha Osiyo chempionatida Hasanboy Do‘stmatov oltin medalni qo‘lga kiritish bilan birga turnirning eng yaxshi bokschisi deb topilgandi.
Osiyo boks konfederasiyasi prezidenti Serik Konabayev turnirning yopilish marosimida Hasanboyga «Qit’aning eng yaxshi bokschisi» uchun beriladigan mukofotni topshirgan edi.
