«Barselona» yarimhimoyachisi Arda Turon Turkiya terma jamoasi bilan Makedoniyaga (0:0) qarshi o‘rtoqlik o‘yinidan qaytishda, samolyotda to‘polon ko‘targan.
Terma jamoa sardori jurnalist Bilol Mesheni haqorat qilgan, so‘ngra bo‘ynidan bo‘g‘gan. Turon jurnalistning Yevro-2016 musobaqasidan so‘ng, terma jamoa futbolchilari orasida mukofot pullarining taqsimoti bo‘yicha kelishmovchilik yuzaga kelgani haqida yozgan maqolasidan norozi bo‘lgan va uni yolg‘onchilikda ayblagan. Shundan so‘ng, ular mushtlashib ketgan. Faqatgina boshqa futbolchilarning aralashuvi oqibatida to‘polonga barham berilgan. Endi Meshe Turonni sudga bermoqchi.
Mojarodan so‘ng, Turon terma jamoadagi faoliyati yakunlanganini e’lon qildi.
«Terma jamoa libosini kiyganimda bir necha xatolarga yo‘l qo‘ydim. Endi xalqaro faoliyatimni yakunlayman» - dedi Turon matbuot anjumanida.
%26amp%3Bnbsp%3Bqarshi%20o%26amp%3Blsquo%3Brtoqlik%20o%26amp%3Blsquo%3Byinidan%20qaytishda%2C%20samolyotda%20to%26amp%3Blsquo%3Bpolon%20ko%26amp%3Blsquo%3Btargan.%26amp%3Bnbsp%3B&image=%2Fimages%2Fnews%2Fturon_tur.jpg&noparse=true){kind=link}