«Barselona» prezidentligiga sobiq nomzod Agusti Benedito Xosep Mariya Bartomeu boshchiligidagi klub rahbariyatiga ishonchsizlik votumi e’lon qilmoqchi.
Bu haqda Mundo Deportivo xabar bermoqda.
Benedito fikriga ko‘ra, Bartomeu va uning xodimlari «Barselona»ni boshqarishga qodir emas. Klubda so‘nggi 40 yil ichidagi jiddiy inqiroz yuzaga kelgan. Bundan tashqari, rahbariyat Neymarning soliqlar bo‘yicha jinoyat ishi yuzasidan prokuratura bilan sharmandali tarzda kelishib olgan. O‘z navbatida Bartomeu va sobiq prezident Sandro Roselning qilmishlari ham jazosiz qolgan.
Endi Benedito ishonchsizlik votumini e’lon qilish uchun 14 kun ichida «Barselona» klubi a’zolarining 15% ovozini yoki 16500 imzo to‘plashi kerak.
