Moskvaning "Dinamo" klubi va Germaniiya terma jamoasining sobiq futbolchisi Kevin Kurani Rossiyaning Konfederasiyalar kubogi musobqasini munosib tarzda o‘tkazishiga ishonmoqda.

"Avvaliga kichik shokni boshdan kechirdim, shaharni ham, mamlakatni ham bilmasdim. Moskvada 15 mln aholi yashaydi, bu Gelzenkirxendan 60 marta ko‘p. Juda g‘alati bo‘ldi. Avvaliga ruslar mehmondo‘stmasday tuyuldi, ammo ular bilan yaxshiroq tanishsang, ularning ochiq va xushmuomala ekanini tushunasan. Hozir Moskvada do‘stlarim ko‘p. U yerga bir yilda 6-7 marta boraman.

O‘ylashimcha, Rossiyada Konfederasiyalar kubogi yaxshi o‘tadi. Ba’zi siyosiy muammolar - mayda-chuyda narsalar, xolos. Hamma narsa sportga qaratiladi. Musobaqa tashkilotchiligi eng yuqori saviyada bo‘lishiga ishonaman. Nemis ishqibozlari rus bezorilaridan qo‘rqmasalar ham bo‘ladi. Rossiya bunga tayyor va Putin hech qanday muammoga yo‘l qo‘ymaydi. Bezorilar bilan muammolar faqat Rossiyada emas. Futbolga zarar yetkazuvchilar har doim topiladi", - deydi Kurani.