Москванинг "Динамо" клуби ва Германиия терма жамоасининг собиқ футболчиси Кевин Кураньи Россиянинг Конфедерациялар кубоги мусобқасини муносиб тарзда ўтказишига ишонмоқда.
"Аввалига кичик шокни бошдан кечирдим, шаҳарни ҳам, мамлакатни ҳам билмасдим. Москвада 15 млн аҳоли яшайди, бу Гельзенкирхендан 60 марта кўп. Жуда ғалати бўлди. Аввалига руслар меҳмондўстмасдай туюлди, аммо улар билан яхшироқ танишсанг, уларнинг очиқ ва хушмуомала эканини тушунасан. Ҳозир Москвада дўстларим кўп. У ерга бир йилда 6-7 марта бораман.
Ўйлашимча, Россияда Конфедерациялар кубоги яхши ўтади. Баъзи сиёсий муаммолар - майда-чуйда нарсалар, холос. Ҳамма нарса спортга қаратилади. Мусобақа ташкилотчилиги энг юқори савияда бўлишига ишонаман. Немис ишқибозлари рус безориларидан қўрқмасалар ҳам бўлади. Россия бунга тайёр ва Путин ҳеч қандай муаммога йўл қўймайди. Безорилар билан муаммолар фақат Россияда эмас. Футболга зарар етказувчилар ҳар доим топилади", - дейди Кураньи.
