Toshkentning “Lokomotiv” jamoasi a’zolari oldindagi uchrashuvlarga hozirlik jarayonini davom ettirmoqda, deb xabar beradi “temiryo‘lchilar” matbuot xizmati.
Kecha kunning ilk qismida “Lokomotiv” futbolchilari tibbiy ko‘rikdan o‘tishdi. Tushdan so‘ng esa “Lokomotiv” stadionida mashg‘ulot o‘tkazildi. Mashg‘ulot jarayonida terma jamoa ixtiyorida bo‘lgan futbolchilardan boshqa barcha ishtirok etdi.
Salamat Qutiboyev hamda Ikrom Aliboyevlar sekin-asta umumiy mashg‘ulotlarda qatnasha boshlashdi. Sergey Proxorov ham jamoa mashg‘ulotlariga qo‘shildi. Qolaversa, jarohatini davolayotgan Islom To‘xtaxo‘jayev bugundan yengil yugurishni boshladi.
