Тошкентнинг “Локомотив” жамоаси аъзолари олдиндаги учрашувларга ҳозирлик жараёнини давом эттирмоқда, деб хабар беради “темирйўлчилар” матбуот хизмати.
Кеча куннинг илк қисмида “Локомотив” футболчилари тиббий кўрикдан ўтишди. Тушдан сўнг эса “Локомотив” стадионида машғулот ўтказилди. Машғулот жараёнида терма жамоа ихтиёрида бўлган футболчилардан бошқа барча иштирок этди.
Саламат Қутибоев ҳамда Икром Алибоевлар секин-аста умумий машғулотларда қатнаша бошлашди. Сергей Прохоров ҳам жамоа машғулотларига қўшилди. Қолаверса, жароҳатини даволаётган Ислом Тўхтахўжаев бугундан енгил югуришни бошлади.
