Hademay, Rossiyada navbatdagi futbol musobaqasi — Konfederasiyalar kubogi boshlanadi. Mazkur turnirda Portugaliya ham Yevropa chempionatining amaldagi g‘olibi sifatida qatnashadi. Bu turnir portugaliyalik yetakchisi — Krishtianu Ronaldu uchun ham muhim ahamiyatga ega. Negaki agar ushbu musobaqada portugallar g‘alaba qozonib, Ronaldu hal qiluvchi o‘rin tutsa, “Oltin to‘p”ni kim olishi borasidagi muzokaralarga uzil-kesil nuqta qo‘yiladi.
PORTUGALLARNING IMKONIYATI QANDAY?
Yevropa chempionatining amaldagi g‘oliblari Konfederasiyalar kubogida zafar quchish uchun yaxshigina imkoniyatga egalar. Sababi, g‘oliblikka asosiy da’vogarlardan biri bo‘lgan Germaniya asosiy tarkib bilan tashrif buyurmagan. Yoaxim Lyov mazkur turnirga shunchaki yosh futbolchilarni sinovdan o‘tkazish imkoni sifatida qaramoqda. Portugallarga faqat Amerika termasi — Chili qarshilik ko‘rsatishi mumkin. Boisi, bu terma jamoa ham yaxshigina tajribaga va mahoratli futbolchilarga ega. Eng muhimi, hammasi portugallarning o‘ziga bog‘liq. Agar Yevropa chempionatida bo‘lgani kabi omad ularga kulib boqsa va Krishtianu maksimal darajada o‘yin ko‘rsatsa, Portugaliya Konfederasiyalar kubogini o‘ziniki qilib olishi mumkin.
RONALDU TURNIRGA TAYYORMI?
